L'SBB stizza las datas da controlla che vegnan rimnadas cun il nov Swisspass. Ella reagescha uschia sin la pretensiun dal protectur da datas federal Jean-Philippe Walter ch’aveva crititgà il fatg da conservar las datas.
Per Walter n'è la pratica betg necessaria ed era betg proporziunada. Plinavant manchia la basa giuridica, ha ditg il protectur. La fin da mars smett'ins da gestir la banca cun las datas da Swisspass, communitgescha la SBB. I saja exclus che profils da moviment dals clients vegnian fatgs cun las datas dal Swisspass.
RR novitads 14:00