La fin d'emna da Pasca han las Viafiers federalas (SBB) fatg il test cun il nov tren d'auta sveltezza «Giruno». Ed il test saja gartegià, communitgescha la SBB. Uschia èsi previs ch'il tren duai colliar Basilea, Turitg e Milano pli spert in cun l'auter a partir da la fin dal 2019. Lura però cun in tempo da radund 250 kilometers l'ura.
La SBB ha perquai empustà 29 trens ad autotracziun tar la Stadler Rail. Quels èn radund 400 meters lungs e porschan 810 plazs da seser.
RR novitads 10:00