Siglir tar il cuntegn

Header

cuntegn

Svizra SBB venda adina dapli terren

Il pli grond proprietari da terren svizzer, l’SBB, posseda mintg onn damain terren.

Dapi che Andreas Meyer ha surpiglià la direcziun tar la Viafier federala il 2007, ha la SBB vendì terren en ina valita dad 1,5 milliardas francs. Sulet l'onn passà hajan ins vendì terren per 203,7 milliuns francs, rapporta la gasetta «SonntagsBlick». Ina gronda part dal terren ha la SBB vendì a privats.

Las venditas na plaschan dentant betg a tuts. Uschia discurra la cussegliera naziunala da la Partida socialdemocrata da Turitg Jacqueline Badran d'ina «defraudaziun da possess dal pievel svizzer».

Sviluppar enstagl da vender

En futur veglian ins dentant vender pli pauc terren, ha in pledader da la SBB ditg. La SBB veglia midar la funcziun da quels ed utilisar sez els.

Terren da la SBB

Avrir la box Serrar la box

La SBB posseda dapli che 94 milliuns meters quadrat terren. Quai è pli grond ch'il Lai da Turitg.

RR novitads 12:00

Artitgels legids il pli savens