Siglir tar il cuntegn

Header

Navigaziun

Purtret dal vitg da Maccagno.
Legenda: Maccagno giascha sin in delta dal Lago Maggiore en Italia. Keystone
cuntegn

Svizra Sbuvaditsch blochescha viafier Tessin – eroport Milaun Malpensa

La colliaziun da tren resta probablamain interrutta fin questa saira. Fin lura ston viagiaturs da tren vers l'eroport Malpensa far il viadi sur Mendrisio.

Vegnì a val era il sbuvaditsch questa notg, en il vitg talian Maccagno, han las Viafiers federalas ditg sin dumonda da l'agentura da novitads svizra. La bova saja vegnida giu enturn las duas questa notg. Ina locomotiva dad SBB Cargo e dus vaguns da vitgira sajan donnegiads, blessads n'haja betg dà.

Per consequenza è il traject da viafier serrà tranter Cadenazzo en il Tessin e Luino en l'Italia. Er la via n'è betg pli charrabla a Maccagno. Sin il traject curseschan bus da substituziun.

Il traject da la viafier è adina puspè stà bloccà suenter ferma plievgia. Ils binaris passan per gronda part directamain tranter la costa dal culm ed il Lago Maggiore.

RR novitads 09:00