L'aviatica militara svizra po trenar en il futur cun il pli grond simulatur da brischaments dal mund. Il simulatur stat a Payerne en il chantun Vad, serva per fin a quatter vehichels e manaders da l’acziun. Dasper il diever tras il persunal dals eroports militars, è era planisà ch’ils pumpiers civils pon nizzegiar ils stabiliments.
Il center da scolaziun cumpiglia er anc trais simulaturs – mintgamai per aviuns da cumbat, da helicopters e d’aviuns da transport. Vitiers vegnan trais simulaturs per fieus en lavuratoris u en sustas d’aviuns, sco il Departament federal da defensiun scriva.
Tut quests stabiliments han ins construì a Payerne, damai che la plazza aviatica militara è il lieu d’acziun principal per tut las maschinas da l’aviatica militara svizra.