En il chantun Schaffusa na vegn l'illuminaziun publica la notg betg reducida. Votantas e votants da Schaffusa han refusà l'iniziativa da la polluziun tras la glisch da la partida verda cun 52,7%. Igl è vegnì dumbrà 18'826 vuschs Na e 16'888 vuschs Gea. Il resultat è surprendentamain stgars. Fin la fin avess il resultat pudì cupitgar en omaduas direcziuns. En il parlament chantunala era la fatschenta vegnida refusada cleramain.
Sustegn da la citad
L'iniziativa avess purtà en l'entira Svizra las pli strictas reglas da la polluziun tras glisch. Ils pli blers GEA's hai dà en la citad da Schaffusa. Dentant era en intginas vischnancas da champagna hai dà in, sche era be cnap, Gea.
L'iniziativa aveva pretendì ina obligaziun da dumandar ina permissiun per illuminaziun exteriura. Illuminaziuns da las vias fissan vegnidas controlladas via ura automatica u sensur da moviments.