Quai èn 234 milliuns dapli che durant l'onn da pandemia 2020 e 107 milliuns dapli ch'il 2019. Cun quai saja la situaziun finanziala sa stabilisada, scriva la Posta. Quai saja d'engraziar a las adattaziuns sin la rait da la posta, ch'ins haja fatg ils ultims onns. Ins haja serrà ulteriuras 70 filialas e midà quellas en filialas cun partenaris.
Mintga di 100'000 pachets
Plinavant quinta la Posta ch'il boom da pachets vegnia a cuntinuar. Il dumber da pachets saja s'augmentà per 13,2%. Ils radund 100'000 pachets vegnan anc adina sortids a maun. Perquai vul la Posta construir novs centers da sortir, quai a Pratteln, Rümlang ed a Buchs. Ultra da quai veglia l'interpresa investir ils proxims diesch onns ulteriurs 1,5 milliardas francs en la renovaziun ed engrondiment da l'infrastructura da zavrar e da distribuir.
