Siglir tar il cuntegn

Header

cuntegn

Svizra Schanza per muntada sociala

Tgi che vul avanzar socialmain ha bunas schanzas en Svizra. Quai demussa in studi dal forum economic mundial WEF. La Svizra cuntanscha plazza set, gist davos ils Pajais bass, sin la glista cun las meglieras schanzas da carriera. Las emprimas tschintg plazzas èn occupadas cun pajais dal nord: il Danemarc, la Norvegia, la Finlanda, la Svezia e l'Islanda. Sin plazza 11 cumpara la Germania - sco meglier pajais dals G7.
Facturs che sminueschian las perspectivas sajan tenor il studi schanzas inegualas da furmaziun, access limità a la tecnologia e malgistadad da paja.

Mobilitad sociala è buna per l'economia

En spezial las grondas economias publicas da la China, dals Stadis Unids, l'India, il Giapun e la Germania possian profitar enorm da la mobilitad sociala, scriva il WEF en ses studi. L'economia globala creschia mintg'onn per plirs tschient milliardas euros.

Il WEF ha examinà tschintg spartas centralas per stgaffir schanzas per la muntada sociala:

  • sanadad
  • furmaziun
  • tecnologia
  • lavur
  • protecziun ed instituziuns

L'organisaziun pretenda en spezial pajas fairas, protecziun sociala, la pussaivladad per l'emprender per vita duranta sco er meglras cundiziuns da lavur.

Ils pajais cun las pli autas schanzas per muntada sociala

plaz 1: Danemarc
plaz 2: Norvegia
plaz 3: Finlanda
plaz 4: Svezia
plaz 5: Islanda
plaz 6: Pajais bass
plaz 7: Svizra
plaz 8: Austria
plaz 9: Belgia
plaz 10: Luxemburg

RTR novitads 06:00

Dapli da Svizraavrir la Landingpage

Nach links scrollen Nach rechts scrollen