Il concern da cement svizzer Holcim va senza ses schef en l'avegnir. Il franzos Bernard Fontana vegnia a remetter ses post, ina giada che la fusiun cun l'interpresa franzosa Lafarge è sut tetg.
Fontana vegnia era a remetter tut ils auters mandats en las societads dal concern. Il post da schef da Holcim aveva el surpiglià il favrer 2012 ed ordinà a l'interpresa in program da spargn rigurus. Gia enconuschent èsi ch'il burgais american-svizzer Eric Olsen vegn a manar l'interpresa fusiunada.
