Dougan è stà dapi il 2007 a la testa da la Credit Suisse. El ha manà la banca cun success tras la crisa da finanzas ed è in dals paucs schefs da grondas bancas internaziunalas ch'è restà en uffizi suenter la crisa da finanzas. Il davos temp è el dentant adina stà en la critica dals investiders. Dougan banduna il concern la fin da zercladur.
Martgà reagescha positiv
L’annunzia che Brady Duogan sa retira sco schef da la Credit Suisse ha gì in’influenza positiva sin l’aczia da la banca gronda svizra. Cun in plus da 8,8% ha l’aczia da la CS cumenzà oz il di da fatschenta.
Tidjane Thiam è ses successur
Successur da Dougan daventa Tidjane Thiam, il CEO actual da l'assicuranza britannica Prudential. El ha 52 onns, è naschì en la Costa d'ivur e creschì si en Frantscha.