Tenor ina communicaziun da medias saja la demissiun la dretga decisiun – ins sa chattia en ina fasa da transfurmaziun. Da la midada da schef spera il cussegl d'administraziun novs impuls.
René Kamm ha cumenzà sia carriera sco manader da fiera tar Baselworld. Totalmain ha el lavurà bunamain 20 onns tar la Fiera a Basilea, Fiera Svizra e la MCH-Group. Dapi l'onn 2003 è el CEO. La MCH-group sa chattia en ina midada fundamentala da transfurmaziun. La fatschenta da fiera en la furma tradiziunala na saja betg pli dumandada. Las fatschentas sajan adina damain prontas da dar ora daners per fieras.
Enfin che la successiun da Kamm n’è betg decidida surpiglia il president dal cussegl d’administraziun Ulrich Vischer la direcziun operativa.
RR novitads 14:00