Siglir tar il cuntegn

Svizra Schef da la Rega avertescha da dapli regulaziuns

Ch'il salvament ord l'aria saja reglà adina pli fitg saja la pli gronda sfida per la Rega, ha ditg Ernst Kohler.

Purtret dad Ernst Kohler.
Legenda: Ernst Kohler avertescha che la Rega haja da far adina dapli cun birocrazia. Keystone

La finamira da la Rega saja da spendrar persunas e betg la birocrazia, ha declerà il schef da la Rega, Ernst Kohler en in'intervista. In’autra problematica per la Rega saja la finanziaziun dal servetsch. Els na survegnian nagin sustegn dal stadi, perquai possian els sulettamain surviver grazia a fauturas e fauturs, ha Kohler aschuntà.

Adina dapli acziuns

Tenor Kohler crescha il dumber d'acziuns che la Rega fa, a moda proporziunala cun il dumber da la populaziun che crescha. E perquai ch'ils Svizzers sajan adina pli savens da viadi, sajan er las repatriaziuns s'augmentadas, ils sgols da pazients or da l'exteriur enavos en Svizra.

Durant il di saja plinavant il dumber da helicopters en Svizra dubel uschè aut sco en Germania. E la notg creschia la relaziun perfin per il factur 10, ha ditg Kohler. Questas structuras stoppia la Svizra exnum mantegnair per ch'era las proximas generaziuns possian profitar da l'aut nivel da la Rega.

RR novitads 07:00