Siglir tar il cuntegn

Header

Navigaziun

Purtret da Jens Alder.
Legenda: Jens Alder, schef da Alpiq, avertescha che la Svizra ristga senza ina cunvegna cun l'UE interrupziuns pli grondas dal provediment d'electricitad. Keystone
cuntegn

Svizra Schef dal concern Alpiq crititgescha politica d'energia

La segirezza per furniziuns d'energia en Svizra saja periclitada sch'i na gartegia betg da far ina cunvegna davart la forza electrica cun l'Uniun europeica, ha ditg Jens Alder a la «Neue Zürcher Zeitung».

Il schef dal concern Alpiq, Jens Alder, crititgescha la politica d'energia. Sco il manager dal concern d'energia da 61 onns di, saja l'import senza ils medems dretgs tar la bursa d'energia europeica «fitg ristgus». La strategia da la Svizra saja gea d'importar forza electrica e quai basegnia in contract internaziunal. La cunvegna davart la forza electrica saja dentant bloccada damai che la cunvegna da basa cun l'UE manchia.

Il ristg d'in blackout è cler s'augmentà e vegn ils proxims onns a crescher vinavant.
Autur: Jens Alderschef dal concern Alpiq

Tenor Jens Alder è la segirezza dal provediment da la forza electrica en Svizra senza ina cunvegna betg pli garantida. Sch'ins guardia las regulaziuns dals pajais vischinants na dastgian ins betg sa far illusiuns. Sch'i vegnia stretg, lura vegnia sco prim furnì als agens consuments e pir suenter exportà forza electrica en l'exteriur.

RR novitads 06:00