Susanne Ruoff è tenor atgnas indicaziuns vegnida a savair il november passà da las cudischaziuns falladas tar l'AutoDaPosta SA. Ella refusa renfatschas d'esser stada orientada dapi il 2013 dals trics da l'interpresa. I va per subvenziuns betg giustifitgadas en l'autezza dad almain 78 milliuns francs.
Jau n'hai ni ditg manzegnas ni uschiglio fatg fallà insatge
audio
Susanne Ruolf, scheffa da la Posta Svizra na vul betg sa retrair
ord Actualitad dals 11.02.2018.
laschar ir. Durada: 44 Secundas.
Sco vinavant
Che la scheffa da La Posta po tegnair ses post, vegn tenor la «SonntagsZeitung» adina pli improbabel. En curt sa raduna il cussegl d'administraziun per decider davart il proxim futur da la scheffa dal concern. Il gremi è da differenta opiniun ed igl n'è betg segir sche Susanne Ruoff survegn la maioritad. Las examinaziuns dal cas vegnan a durar mais. L'interpresa quinta ch'il rapport general vegn ad esser avant maun la stad 2018.
RR novitads