I na saja betg 5 avant las 12, mabain las 12. Quai di l'associaziun dals schefmedis e medis assistents svizzers en in appel al Cussegl federal. Adina dapli ospitals en Svizra sajan entant al limit u hajan gia surpassà quel pervia da la crisa da corona. Uschia hai num en la communicaziun.
Er sche la Confederaziun haja puspè prendì enta pugn las mesiras, sentian ils ospitals strusch quai. Sche las infecziuns na sa reduceschian betg tant pli spert smanatschia in collaps dal provediment. Uss saja l'ultim mument d'agir.