Il schoc dal franc suenter l'aboliziun dal curs minimal da l'euro schochescha er ils schefs da finanzas. Tenor ina retschertga da l'interpresa da cussegliaziun Deloitte vesan els las prognosas per l'avegnir uschè nairas sco daditg betg pli.
71% dals passa 120 dumandads vesan il ferm franc sco la pli gronda ristga. Sin plazza dus e trais suondan ils privels geopolitics e la pluna da regulaziuns en Svizra. Entant èn 60% dals schefs da finanzas pessimistics areguard las prognosas economicas per la Svizra. Trais mais avant eran quai anc 48%.
