La midada dal clima e la schelira permanenta che sa sminuescha han influenza sin ina pendiculara en il Vallais Sura. La pendiculara da la Fiescheralp sin l'Eggishorn na po a partir d'immediat betg pli ir. Quai ha confermà la gestiunaria suenter in rapport dal «Walliser Boten».
Schliar problem cun mesiras da construcziun
Perquai ch'e la schelira permanenta saja luada saja il terren enturn la staziun sura sa sbassà. Las midadas en il terren hajan ins constatà durant controllas regularas. Cun mesiras da construcziun vul la gestiunaria schliar il problem per puspè avrir la pendiculara sin la stagiun d'enviern. Quant vast che quellas lavurs èn e quant grond il donn finanzial vegn ad esser, na possian ins anc betg giuditgar.
Ord l'archiv
La schelira permanenta è ida enavos uschè fitg sco an mai. Oskar Hugentobler declera las consequenzas.
RR novitads 18:00