Schleppa per il president da Lucerna

Il president da la citad da Lucerna, Stefan Roth (pcd) ha manchentà cleramain sia reelecziun. Roth ha fatg 8'720 vuschs. Il pli absolut fiss stà tar 9'888 vuschs.

Il president da la citad da Lucerna, Stephan Roth, suenter sia schleppa Bild in Lightbox öffnen.

Legenda da maletgs: Il president da la citad da Lucerna, Stephan Roth, suenter sia schleppa Keystone

Ils 5 da zercladur datti in segund scrutini a Lucerna. Il concurrent da Roth, Beat Züsli da la PS ha survegnì 182 vuschs dapli, pia 8700 vuschs.
Dasper il president ha er la directura dal departament da construcziun betg dumagnà la reelecziun. Las 7'809 vuschs n'han betg tanschì per Manuela Jost. Il meglier resultat da las elecziuns ha fatg il directur per socialesser Martin Merki (pld). El è vegnì elegì cun 11'531 vuschs. Adrian Borgula (verds), il directur per ambient, traffic e segirezza, ha fatg 10'545 vuschs.

PS po remplazzar sia represchentanta

La Partida socialdemocratica ha remplazzà il sez da la directura da furmaziun Ursula Stämmer cun in noviz, l'architect ed inschignier d'energia Beat Züsli (10'515 vuschs) che ha er candidà per il post da president.

RR novitads 18:00