Per la regla dad otg dis preferiss Johann Schneider-Ammann ina schliaziun europeica. Il Cussegl federal ha decidì l’entschatta dal mais da consultar la stad ils partenaris socials davart las mesiras flancantas en connex cun la libra circulaziun da persunas. Schneider-Amman vegn a manar ils discurs.
Tar il cuntegn ha il minister d'economia dentant sincerà ch'il nivel da protecziun tar las pajas na vegnia betg tutgà. «Che nus discurrin co nus pudain segirar quest nivel da protecziun, quai na po er in Paul Rechsteiner betg scumandar.» Cun quai è Schneider-Amman sa referì sin il president da SGB, l'Uniun sindicala svizra, Paul Rechsteiner. El avertescha da far concessiuns tar la lingia cotschna.
RR novitads 11:00