Schneider-Amman sa defenda cunter la critica da Levrat

Il president da la Confederaziun Johann Schneider-Ammann sa dosta cunter la critica dal president da la PS Christian Levrat. Quel aveva rinfatschà al minister d'economia da far nagut cunter las sfidas cun las qualas l'industria svizra haja da cumbatter.

Schneider-Ammann sa dosta. Bild in Lightbox öffnen.

Legenda da maletgs: Johann Schneider-Ammann na lascha betg valair las rinfatschas. Keystone

Schneider-Ammann ha ditg envers il radio RTS ch'il cussegl federal cumbattia cunter la de-industrialisaziun ed haja perquai da curt concedì 60 milliuns francs per la cumissiun per la tecnologia e l'innovaziun sco er 320 milliuns per il turissem.

Levrat aveva tranter auter ditg envers il «Blick» che Schneider-Ammann celebreschia per motivs ideologics il «Laisser-Faire», quai ch'haja consequenzas catastrofalas.

RR novitads 21:00