Al cumenzament dal viadi dal cusseglier federal Johann Schneider-Ammann en ils Stadis Unids da l'America ha il minister d'economia s'infurmà davart innovaziun e furmaziun. El ha visità interpresas en il Silicon Valley ed è s'inscuntrà cun il guvernatur da la California, Jerry Brown.
Finamira dals discurs en il Silicon Valley saja da chapir meglier daco ch'ils Stadis Unids hajan uschè bler success sin il champ da las innovaziuns. Quai ha ditg il pledader da Schneider-Ammann. Las ideas rimnadas duain gidar tenor Schneider-Ammann - da cuntinuar il svilup dals sforzs d'innovaziun en Svizra.
