Legenda:
Cunzunt l'industria patescha da l'aboliziun dal curs minimal da l'euro.
Keystone
cuntegn
Svizra - Schoc dal franc mussa effect
Las consequenzas dal schoc suenter l'aboliziun dal curs minimal da l'euro sa fan valair per l'emprima giada en las enquistas da l'Institut da perscrutaziun da la conjunctura KOF.
La situaziun da fatschenta è sa pegiurada marcantamain en tuttas spartas da l'economia. Spezialmain turbla saja l'atmosfera tar las interpresas d'industria, scriva il KOF. Dentant era en las branschas da construcziun, da finanzas ed en il martgà da detagl sajan las interpresas pli pessimisticas.
Ord l'enquista resulta era ch'i dat bler dapli manaschis che vulan reducir il persunal ils proxims 3 mais.
