La tschertga d'investurs tar las pendicularas da Saastal en il Vallais è serrada giu. Cun la gruppa da Schröcksnadel han ellas chattà in investur grond. La gruppa porta 12 milliuns francs en la societad, uschia communitgeschan las pendicularas vallesanas. Cun 29% fiss la gruppa da Schröcksnadel acziunaria principala. La gruppa tutga a l'Austriac Peter Schröcksnadel ch'è medemamain president da la Federaziun austriaca da skis.
Da la radunanza generala extraordinaria da la fin october ston ils acziunaris approvar l'affar.
Nauscha situaziun finanziala
Las pendicularas da Saastal eran avisadas sin nov chapital. La situaziun finanziala era numnadamain nauscha. Per l'enviern che vegn smanatschavan problems da liquidaziun.
RR novitads 20:00