Siglir tar il cuntegn

Svizra Schurnalist ed autur Jürg Frischknecht è mort

Frischknecht è mort cun 69 onns da cancer. Quai rapporta la gasetta emnila WOZ nua ch'el ha lavurà plirs onns.

Purtret da Jürg Frischknecht
Legenda: Jürg Frischknecht è vegnì undrà pliras giadas sco autur. Keystone

Enconuschent è Frischknecht cunzunt vegnì il 1976 cura ch’el ha ensemen cun auters activists da l’uschenumnà 'Manifest democratic' scuvert l’archiv dal politicher da la PLD, Ernst Cincera. Lez aveva spiunà sistematicamain la sanestra en Svizra.

Frischknecht sco autur

Success ha Jürg Frischknecht er gì cun plirs cudeschs. Tranter auter 'Die unheimlichen Patrioten' il 1979 ni 'Rechte Seilschaften' il 1998. Duas ovras nua che Frischknecht ha analisà la scena dretga ordaifer las partidas tradiziunalas.
Il 1994 è Frischknecht vegnì undrà cun il Premi Frischhof da la fundaziun cunter rassissem e antisemitissem.

Amatur da las muntognas

In'autra sparta da lavur dal schurnalist eran ils guids da viagiar ch'el ha scrit ensemen cun sia dunna Ursula Bauer. Là ha Frischknecht cumbinà sia passiun per ils culms cun l'ambiziun schurnalistica d'intervegnir e sustegnair temas da la politica d'ambient.

RR novitads 06:00