Tuts èn tranter 16 e 21 onns vegls ed els tutgan dal segir tar ils giuvens ils pli mirveglius ed innovativs da l’entira Svizra. Dals 109 participants ch'èn sa preschentads a Rapperswil fan 94 il gimnasi, il rest fa in giarsunadi.
En tut han las 55 giuvnas e 54 giuvens inoltrà 91 lavurs en set differentas categorias:
- biologia/ ambient
- chemia/ biochemia/ medischina
- furmaziun/ architectura/ art
- istorgia/ geografia/ economia/ societad
- litteratura/ filosofia/ lingua
- matematica/ informatica
- fisica/ tecnica
Ina giuria ha evaluà las lavurs e onurà mintgina cun in predicat – bun, fitg bun ed excellent. En tut han 35 dals perscrutaders giuvens survegnì il predicat «excellent». 44 giuvnas e giuvens han survegnì in premi spezial. Cun quel pon els sa participar a differentas concurrenzas e studis in Europa, Asia u er en ils Stadis Unids.
RR Telesguard 17:40