La Confederaziun presta in sustegn finanzial da passa 12 milliuns francs per lantschar la SwissCollNet (Swiss Natural History Collections Network) – ina plattafurma da perscrutaziun digitala. Quai ha communitgà l’Academia svizra da las scienzas natiralas. En museums, scolas autas e curtins botanics da l’entira Svizra dettia passa 60 milliuns scuvertas dad animals, plantas, bulieus e fossils. Da quels objects sajan fin uss be 17% vegnids digitalisads.
Cun questa plattafurma vulan ils perscrutaders stgaffir la basa per far accessiblas meglier las datas da las collecziuns biologicas e geologicas da la Svizra. En pli duaja la plattafurma svizra vegnir colliada cun plattafurmas internaziunalas.
audio
Per tadlar: Las novitads da las 12:00
ord RTR Audio dals 12.01.2021.
laschar ir. Durada: 5 minutas 7 Secundas.