Mo mintga 6avel manader da scola vegn d'occupar las plazzas libras cun magistras e magisters ch’adempleschan las pretaisas dal profil da la plazza, quai rapporta la «Sonntagszeitung» sa referind sin in'enquista da las associaziuns dals manaders da scola da la Svizra tudestga.
Anc pli precara è la situaziun en la Svizra franzosa ed il Tessin. Qua èn be 9% dals magisters ch’èn vegnids emploiads qualifitgads avunda. L'inquista è vegnida fatga tar 1141 scolas svizras.
Las scolas ston savens ir en cumpromiss considerabels per pudair occupar las plazzas.
Raschuns per la stgarsezza da magisters èn multifaras. Pensiunaments, il boom da lavurar a temp parzial ed in sistem che pretenda spezialists enstagl da generalists, uschia il president dals manaders da scola svizzers Bernard Gertsch. Las scolas stoppian savens ir en cumpromiss considerabels per vegnir d'occupar las plazzas. La tendenza che manaders da scola stoppian occupar quels ch’els survegnan vegnia a crescher vinavant.
RR novitads 10:00