D’occupar las plazzas saja fitg grev per las classas 7 fin 9, ed era per las terzas fin sisavlas classas saja difficil. Quai ha la federaziun tetgala udì cun dumandar ils manaders e las manadras da scola. Main dramatica saja la situaziun en las scolinas e fin las segundas classas.
I na vegn betg pli simpel
Per la Federaziun tetgala da magistras e magisters Svizra suondan suenter ils onns ch’ins ha spargnà tar la furmaziun, uss anc ils effects da la crisa da corona. E dapli scolaras e scolars, sco era magisters che van en pensiun, vegnian ad engrevgiar anc pli fitg la situaziun.