En total ha l'equipa da la posta respundì a passa 20'000 brevs e sustegnì uschia il Bambin e San Niclà, quai scriva la Posta svizra. 11'500 respostas sajan idas en la Svizra franzosa, 3'300 en il Tessin e 3'600 brevs en la Svizra tudestga. Passa 96% da las brevs d'uffants èn vegnidas respundidas cun in pitschen regalin e cun in’istorgietta.
Per la terza giada en successiun è il dumber da brevs d'uffants per il Bambin creschì. Tar l’emprima acziun l’onn 1950/1951 eran arrivadas 450 brevs tar la Posta svizra, da quai 250 da l’exteriur.
RR Novitads 12:00