Siglir tar il cuntegn
Inhalt

Svizra Scumond da solarium per minorens – quai vul il BAG

L'Uffizi federal da sanadad (BAG) vul scumandar a persunas sut 18 onns dad ir en il solarium. En l'avegnir na duaian ils gestiunaris da solariums betg pli laschar en minorens. Surpassaments duaian vegnir chastiads.

Glischs din solarium
Legenda: Tenor in studi dal 2009: Mintga tschintgavla persuna tranter 16 e 25 ha visità ina giada u regularmain il solarium. Keystone

Quest scumond prevesa in'ordinaziun, ch'il Uffizi federal da sanadad (BAG) vul trametter en consultaziun il favrer che vegn. Quai a basa da la nova lescha federala davart la protecziun cunter radiaziuns. Il BAG ha confermà il rapport correspundent da la SonntagsZeitung.

Solarium oravant tut privlus per minorens e giuvens creschids

Studis scientifics hajan mussà ch'il solarium saja cunzunt fitg privlus per minorens e giuvens creschids. Il solarium possia chaschunar cancer, uschia il BAG.

L'internaziunala agentura da cancer di ch'il ristg da survegnir in melanom da la pel saja 75% pli aut, per tgi ch'ha cumenzà a visitar il solarium avant ses 30avel.

Solarium n'è betg nunpopular

Tenor in studi represchentativ ch'il BAG ha fatg l'onn 2009, haja mintga tschintgavla persuna tranter 16 e 25 onns visità almain ina giada u regularmain il solarium.

RR novitads 17:00