La cassa da malsauns Groupe Mutuel ha violà il dretg da controlla. A questa conclusiun vegn la surveglianza dal martgà da finanzas FINMA. Ella vegn ad inoltrar denunzia penala.
Plinavant na dastga la Groupe Mutuel – la segund gronda cassa da malsauns da la Svizra – betg surpigliar ulteriurs assicuraders cumplementars e lur clientella fin la fin dal 2016. Era sto la Groupe Mutuel preschentar a la FINMA tut las tariffas per controlla.
Gia l'onn passà aveva la FINMA constatà che la Groupe Mutuel haja incassà premias betg lubidas sco er premias memia autas.
