En Svizra vala dapi ier in stopp da vender tscherts models d'auto da VW. Il directur da l'associaziun d'import d'autos, Andreas Burgener crititgescha quest scumond. Tar l'Amag, il pli grond importader d'autos svizzer, na vegnian betg vendids tals autos manipulads, haja sincerà l'Amag.
Las manipulaziuns pertutgian sulet ina gruppa da motors, per tut ils auters constructurs d'autos valia la presumziun d'innocenza, ha ditg Burgener en il radio SRF. Il scumond da l'Uffizi federal da vias ASTRA da scumandar la vendita per ils vehichels cun in tal motor saja exagerà, uschia Burgener.
