Siglir tar il cuntegn

Header

cuntegn

Svizra SDA – Mediazun enstagl da tractativas

La redacziun da la SDA è pronta d'acceptar ina mediaziun, sche las desditgas vegnan sistidas fin tar ina conclusiun.

Ils schurnalists e las schurnalistas da l'agentura da novitads SDA preferissan atgnamain tractativas cun il cussegl d'administraziun. Cunquai che quel na saja però betg pront per discurs, beneventia la redacziun ina mediaziun externa sut l'egida dal Secretariat da stadi per l'economia SECO. Premissa saja dentant che las desditgas da plazzas da lavur vegnian sistidas fin tar la decisiun da mediaziun.

Fin tar la conclusiun restia la chauma suspendida. Quai han communitgà la cumissiun da redacziun ensemen cun ils sindicats Syndicom e la federaziun professiunala Impressum la gievgia a Berna. La reducziun da plazzas planisada en la redacziun haja per consequenza, ch'i na saja pli pussaivel da porscher in servetsch da basa medial en trais linguas – da 150 plazzas duain 35 vegnir stritgadas.

RR novitads 15:00

Artitgels legids il pli savens