Siglir tar il cuntegn

Svizra SECO na quinta betg cun ina recessiun

Suenter l'aboliziun dal curs minimal da l'euro quintan ils experts da conjunctura da la confederaziun cun ina botta temporara da la conjunctura, dentant betg cun ina recessiun.

En l'intern dad ina firma d'industria svizra.
Legenda: La cumpetitivitad da las firmas svizras è restrenschida suenter l'aboliziun dal curs minimal da l'euro. Keystone

Sco quai ch'il secretariat da stadi per l'economia SECO communitgescha, quintan ils experts per ils onns 2015 e 2016 cun in creschament dal product naziunal brut da 0,9 respectiv 1,8%. Il december avevan ils experts anc prognostitgà in augment da 2,1 enfin 2,4%.

Stadis Unids pudessan mitigiar la situaziun

L'aboliziun dal curs minimal restrenschia considerablamain la cumpetitivitad da las firmas svizras. Las perspectivas per l'Europa ed il schlantsch en ils Stadis Unids pudessan dentant mitigiar quests effects negativs.

RR novitads 08:00