Siglir tar il cuntegn

Header

cuntegn

Svizra SECO sbassa prognosa

Tenor il Secretariat da stadi per l'economia crescha il product naziunal brut pli pauc che spetgà.

Il Secretariat da stadi per l’economia (SECO) sbassa levamain la prognosa per l’economia Svizra da quest onn. El quinta ch’il product naziunal brut (PNB) creschia per 0,8%. Fin uss quintava il SECO cun in creschament da 0,9% per l’onn current.

Surtut il sectur da construcziun haja ils ultims quartals pers schlantsch, scriva il SECO. Dal schaner fin il settember 2015 stagnava il product naziunal brut.

Ils experts da la Confederaziun quintan che la conjunctura sa revegnia mo plaunsieu. Per l’onn proxim prognostitgescha il SECO in augment dal product naziunal brut da 1,5%.

Danovamain dat il SECO era giu ina prognosa per l’onn 2017. Tenor quai duai il product naziunal brut crescher per 1,9%.

RR novitads 08:00

Artitgels legids il pli savens