Siglir tar il cuntegn

Header

Navigaziun

cuntegn

SECO Surpassament da paja sin medem nivel

Pajas da dumping èn restadas il 2018 sin il medem nivel sco l'onn avant. Tar ils lavurants ord l'UE è la quota da surpassament levamain pli bassa. Per il SECO è cler, las mesiras flancantas fan effect. Avant 15 onns èn quellas entradas en vigur.

Dapi lura han ils uffizis intensivà las controllas, fin ch'ellas èn sa stabilisadas sin aut nivel, communitgescha il Secretariat da stadi per l'economia SECO. Il 2018 han las autoritads controllà 173'000 persunas e 42'000 manaschis per guardar schebain tuts sa tegnan vid las prescripziuns da lavur e paja.

Dapli sancziuns pervi da lavur naira

Per cumbatter la lavur naira han 78 organs executivs fatg passa 12'000 controllas da manaschis e passa 37'000 controllas da persunas. Cun bunamain 16'000 cas da suspect e passa 4'000 mesiras e sancziuns ha il SECO constatà en quests secturs in augment da 18 e 36%. In motiv per in tal augment saja dentant er la revisiun da la lescha cunter lavur naira ch'è en vigur dapi il schaner.

RR novitads 12:00