Siglir tar il cuntegn

Header

Thomas Matter
Legenda: Thomas Matter inoltrescha ils 15 da settember 2014 sia iniziativa «gea per la protecziun da la sfera privata» Keystone
cuntegn

Svizra Secret bancar: i pudess dar in cumpromiss

Ina cuntraproposta da l'iniziativa per proteger la sfera privata da la PPS è probabla. Era la partida populara svizra sa mussa averta per la cuntraproposta da la PCD. Per retrair l'iniziativa saja dentant memia baud, ha ditg il cusseglier naziunal ed iniziant Thomas Matter (PPS/ZH).

Quest'iniziativa vul scriver e garantir il secret bancar en la constituziun. La pretensiun va dentant memia lunsch, era per politichers burgais. Ina cuntraproposta da la PCD chatta ussa sustegn, era da vart da la PPS.

La PCD ha lantschà l'idea en la cumissiun d'economia dal Cussegl naziunal. Ella propona da francar il secret bancar en la constituziun, da definir el dentant main strict che l'iniziativa.

La PCD è sa discurrida cun ils iniziants ed il cusseglier naziunal da la PPS Thomas Matter, il bab da l'iniziativa, è avert per ina cuntraproposta.

La cumissiun per economia e taxas vul discutar sur quest'iniziativa. En sasez ha ella gia tractà l'iniziativa - quai però anc en sia veglia constellaziun avant las elecziuns. L'avrigl vegn ella probabel a formular en detagl la cuntraproposta.

RR novitads 8:00

Artitgels legids il pli savens

Scrollar a sanestra Scrollar a dretga