Siglir tar il cuntegn

Header

cuntegn

Secret d'uffizi Roger Köppel desista sin immunitad parlamentara

La Cumissiun per la politica exteriura dal Cussegl naziunal denunzia ses commember Roger Köppel. Motiv èn infurmaziuns publitgadas dal politicher ed interprendider sin ses chanal «Weltwoche Daily». Tenor la communicaziun dals savetschs dal parlament vegni rinfatschà ad el d'avair violà il secret d'uffizi. I vala la presumziun d’innocenza, scriva la cumissiun vinavant.

Plinavant saja la cumissiun sa fatschentada cun la dumonda sche il politicher da la PPS haja publitgà infurmaziuns secretas ord documents da cumissiun. Concret haja Köppel discurrì sin ses chanal d'ina perquisiziun en ina filiala da l'interpresa svizra dad uras Audemars Piguet che sa chatta a Moscau.

Roger Köppel desista sin immunitad parlamentara

Roger Köppel ha uss annunzià da desister a moda voluntara da sia immunitad parlamentara. Cun quai duai la Procura publica federabla esser abla d'examinar uschè svelt sco pussaivel sch'el ha propi violà il secret d'uffizi.

audio
Las novitads da las 20:00
aus RTR Audio vom 05.04.2022.
abspielen. Laufzeit 2 minutas 4 Sekunden.

RTR novitads 20:00

Artitgels legids il pli savens

Scrollar a sanestra Scrollar a dretga