Grazia a las mesiras ch'èn vegnidas introducidas il 2019 han ils custs uschia pudì vegnir reducids vinavant. Tge effect precis che la pandemia ha però gì sin quest svilup n'è betg cler. Quai resulta dal segund monitoring per incumbensa da l'Uffizi federal da sanadad BAG.
Effect giavischà
Las cifras mussian che la glista cun operaziuns tschernidas ch'èn da far ambulant portia l'effect giavischà. Il monitoring mussia però er che las operaziun staziunas èn idas enavos main fitg ch'anc l'onn avant. Dapi il schaner 2019 vegnan tar sis gruppas d'operaziuns ils custs pajads da l'assicuranza da malsauns obligatoria be sche las operaziuns succedan ambulant.