La Svizra ha profità durant la pandemia da la circulaziun libra da persunas cun ils stadis da l'UE ed EFTA. A questa conclusiun vegn in rapport da la Confederaziun.
Ch'ins haja pudì recrutar persunal da tgira da stadis da l'UE saja stà d'impurtanza centrala. 63'000 persunas da stadis da l'UE e l'EFTA èn vegnidas occupadas il 2020 en il sectur da sanadad. Quai haja contribuì essenzialmain al fatg ch'ins haja pudì cuvrir la gronda dumonda per forzas da lavur en quest sectur.
Radund 22% da las 540'000 persunas occupadas en il sectur da sanadad svizzer, inclusiv cunfinarias e cunfinaris e dimorantas e dimorants temporaras – èn derivads l'onn passà da stadis da l'UE ed EFTA. Tar ils medis è la cumpart anc pli gronda, cun passa 30%.
audio
Per tadlar: Las novitads da las 12.00 uras
ord RTR Audio dals 25.06.2021.
Maletg: RTR
laschar ir. Durada: 4 minutas 40 Secundas.
