Pli paucs ospitals e dapli centers da sanadad. Uschia vesa il sectur da la tgira en Svizra ora il futur, constatescha il servetsch da cussegliaziun PwC en in studi. Il provediment medicinal acut sco era la reabilitaziun na rendian betg avunda per ch’ospitals possian surpigliar sezs lur investiziuns. Uschia dovrian els si lur agen chapital. La quota da agen chapital è sa sbassada dal 2014 fin il 2018 per sis pertschient.
Sche quai svilup cuntinuescha pudess quella quota crudar sut in cunfin che vala sco bun. Perquai manegian ils auturs dal studi ch’i pudess dar il futur pli e pli cas da sanaziun. Ils ospitals stoppian er s’adattar perquai che lur svieuta creschia pli pauc fitg che lur servetschs. Per il studi èn ils auturs sa basads sin ils quints annuals da 44 ospitals.
RTR novitads 17:00