Radund 40% da las firmas pertutgadas hajan pajà daners da liberaziun. Las cifras sa refereschan sin in'analisa ch'il Beobachter ha laschà far in'interpresa specialisada dals Stadis unids.
Augment dramatic
Durant ils ultims 12 mais saja il dumber da cas creschì a moda dramatica. Tranter avust 2020 ed avust 2021, haja dà total 2'694 attatgas. Cun quai saja il dumber total durant ills ultims tschintg onns creschì sin 4'799 attatgas sin firmas svizras. Sulet dapi il matg 2021 haja dà 511 attatgas.
Tar l'analisa han ins sulet pudì resguardar las datas che sajan vegnidas enguladas da computers da la firma e pli tard cumparidas en il darknet. En quests cas saja da supponer ch'i n'è betg vegnì pajà in pretsch da liberaziun.
Sco divers specialists da segirezza en la rait hajan dentant declerà, saja da parter dal fatg che bleras firmas pajan ils daners, senza s'annunziar tar las autoritads necessarias. Savens saja la summa pretendida tranter trais fin tschintg pertschient da la svieuta annuala. Experts supponan che radund 40% da las firmas pertutgadas pajan il pretsch da liberaziun.
Ord l'archiv:
Il chantun investescha dapi il 2017 er dapli en ressursas per cumbatter la criminalitad online.
