Segirezza sociala custa ¼ dal BIP

157 milliardas francs, tant ha la Svizra dà ora il 2014 per la segirezza sociala. Quai è in quart dal product naziunal brut il BIP, e per abitant 19’100 francs.

Persunas attempadas Bild in Lightbox öffnen.

Legenda da maletgs: Passa 67 milliardas francs custan las prestaziuns da vegliadetgna. RTR, G. Hosang

Sco quai che l'Uffizi federal da statistica communitgescha, è quai in augment da 2% cumpareglià cun l'onn avant. E dapi il 1990 èn las expensas s'augmentadas per passa il dubel.

Las entradas muntan da lur vart a 204 milliardas francs, ellas creschan pli u main tuttina sco las expensas. Las entradas sa cumponan d'in terz ord las contribuziuns socialas dals patruns e d’in terz da las contribuziuns dals lavurants. L'ultim terz sa cumpona da contribuziuns dal stadi, gudogns ord facultads ed autras entradas.

RR novitads 10:00