Bleras cameras da surveglianza, ch’èn installadas a las entradas da plazzas d’armas ed auters implants da l’armada, èn protegidas a moda manglusa cunter attatgas da hackers. Quai resulta d’in rapport dal Departament federal da defensiun, protecziun da la populaziun e sport. Quest rapport è vegnì fatg per incumbensa da la cussegliera federala Viola Amherd ed è avant maun a Radio SRF.
D'attribuir sajan ils deficits tranter auter al fatg che bleras cameras vegnian gia duvradas dapi passa 10 onns. Ellas na sajan betg vegnidas controlladas regularmain sin flaivlezzas. En pli na vegnian er prescripziuns pertutgant la protecziun da datas betg resguardadas. Savens na saja betg cler, tge che capitia cun il material sensibel, hai num vinavant.
Adattà al tema:
