Siglir tar il cuntegn

Header

Karin Keller-Sutter.
Legenda: Tgi che succeda a Karin Keller-Sutter en Cussegl dals chantuns, n'è betg cler: segund scrutini ha lieu ils 19 da matg. Keystone
cuntegn

Svizra Segund scrutini per successiun da Karin Keller-Sutter

Tgi che succeda en il chantun Son Gagl a Karin Keller-Sutter da la PLD en il Cussegl dals chantuns, n'è betg cler. I dovra in segund scrutini.

Tut ils set candidats n'han betg cuntanschì il pli absolut. Las pli bleras vuschs ha il candidat da la PCD e schef da finanzas dal Son Gagl Benedikt Würth cuntanschì. El ha fatg 37'613 vuschs e ha cun quest resultat betg cuntanschì il pli absolut da 48'511 vuschs. Ad el suonda Susanne Vincenz-Stauffacher cun 25'071 vuschs che duess defender il sez da la PLD e Mike Egger da la PPS.

Naginas schanzas han il candidat da la Partida verda Patrick Ziltener ed ils trais candidats Sarah Bösch, Andreas Graf ed Alex Pfister, senza partida gì.

La participaziun a las elecziuns era tar 31,03 pertschient.

RR novitads 12:00+