Tschintg onns suenter in cler Na per ina paja minimala a l'urna ha in comité independent lantschà ina nova emprova. Entras la crisa da corona saja il tema d'introducir ina paja minimala senza cundiziuns puspè actual.
Sco il comité d'iniziativa ha annunzià saja la finamira da la nova iniziativa da segirar l'existenza per tuts, da garantir il dretg uman sin ina vita en dignitad sco er d'appreziar lavur betg pajada. Finanzià duai quai vegnir entras pli autas taglias ord il sectur da finanzas e da firmas da tecnologia.
Ils iniziants vulan midar l'artitgel 110 en la Constituziun federala. La paja minimala duai mintga persuna domiciliada en Svizra survegnir. Ina lescha duai reglar la summa per mintgin e mintgina, la finanziaziun e co retrair ils daners.
2016 avevan 76,9% dals votants e da las votantas ditg Na ad ina paja minimala senza cundiziuns. I mava là per 2'500 francs per mintga carschi e 625 francs per mintga uffant. Quai avess custà tenor calculaziun da la Confederaziun 208 milliardas francs.
Ord l'Archiv
Per quai mavi en la votaziun dal 2016: