L’anteriur cusseglier guvernativ da Genevra, Pierre Maudet, è vegnì declerà per nunculpant en segunda instanza. Quai en connex cun in viadi da luxus ad Abu Dhabi. La dretgira d’appellaziun ha confermà in rapport da la gasetta «Tribune de Genève». La procura publica po anc far recurs davant il Tribunal federal.
«L’affera Maudet» ha fatschentà la politica da Genevra plirs onns. La famiglia roiala d'Abu Dhabi aveva pajà l'entir viadi da radund 50'000 francs.