Siglir tar il cuntegn

Header

Navigaziun

cuntegn

SEM Burgais dubel perda dretg da burgais svizzer

Il secretariat da stadi per migraziun SEM ha – per l’emprima giada insumma – retratg ad in burgais dubel il dretg da burgais svizzer.

Il SEM dastga retrair a burgais dubels il dretg da burgais svizzer. Quai dentant sulet sche quella persuna ha donnegià ils interess u il renum da la Svizra e cunquai er la segirezza dal pajais, scriva il SEM en ina communicaziun.

Premissas ademplidas en il cas preschent

L’um era vegnì sentenzia a plirs onns praschun, pervia da propaganda per organisaziuns terroristicas islamisticas. Per quella haja l'um er recrutà cumbattants. Uschia sajan las premissas ademplidas, scriva il SEM. Sper il dretg da burgais svizzer vegn er il dretg da burgais chantunal e communal retratg a l'um.

persuna cun il pass svizzer en il satg da la chamischa.
Legenda: Tenor il SEM sto il burgais dubel dar giu ses pass svizzer. Keystone

La decisiun dal SEM n'ha anc nagina vigur legala. L’um po anc purtar plant cunter questa decisiun tar il Tribunal administrativ federal.

RR novitads 15:00