L'idea è simpla: Via internet sa mintga persuna reservar 16 meters quadrat iert. Sin questa surfatscha pon vegnir semnà tut ils radund 30 products che la firma porscha: Da tartuffels, tomatas fin a farbuns. Semnà vegnan las verduras, ils fritgs e las ervas sin dus gronds ers en ils chantuns Soloturn e Sviz. Quai ha declerà Raphaell Schär, in dals chaus da l'idea, ad SRF. la persuna ch'ha affittà in iert po contemplar via webcam co chepuras e purs dattan quità dal semnà fin che la racolta è madira.
Favuraivel n'esi dentant betg d'affittar in agen iert tar «MyFeld»: 55 francs al mais custa quest servis – ad onn èsi var 600 francs. Vitiers vegnan ils custs da furniziun.
Colurs en iert èn il trend 2022
L'oberschina enconuschan ins per regla en violet. Da nov datti però er ella en furma pli rodunda ch'è il cumenzament alva e daventa lura cun il temp cotschna. Er urtais colurads en cotschen, mellen u alv datti da nov. Er quai che pertucca la verdura la pli bainvissa domineschan actualmain las colurs fermas cun las carottas sin plazza in, suandadas da las tomatas.