Radund in terz da la populaziun en Svizra ha gia gì corona. Quai stima l’Uffizi federal da sanadad. El ha confermà in rapport da la «NZZ am Sonntag» envers l’agentura da novitads Keystone-SDA.
S'infectà senza sentir insatge
Il BAG sa referescha a studis serologics. Dentant na cumparian betg tut quellas 2,8 milliuns persunas en la statistica. Bleras persunas sajan s’infectadas senza sentir quai. Persunas che sajan s’infectadas, dentant betg vegnidas testadas perquai ch’ellas n’han gì nagins sintoms, na cumparan betg en la statistica.
Privilegis cun certificat
Per il covid-certificat, ch'è planisà per il zercladur, duain vaccinadas, guarids e persunas cun in test negativ obtegnair privilegis per exempel access ad occurrenzas. Sco quai certificat duai vesair ora, n'è tenor BAG anc betg cler. Per guarids saja previs da controllar sch'els hajan anticorpuls.
